Victorious Dawn watch! (February 4, 2022 @4:00AM)
Bakit Dumarating ang Kahirapan?
(Ni Sister Joe Ann G. Payne)
Filipos 1:29
“Dahil
ipinagkaloob niya sa inyo, hindi lamang ang manalig sa kanya, kundi ang magtiis
din naman alang-alang kay Cristo.”
Malinaw
ang katotohanang ipinakikita ng tekstong
ito. Ikaw at ako ay may dalawang pagkakataon. Una, manampalataya sa Panginoong
Jesukristo at pangalawa magtiis alang alang-alang sa Kanya.
Totoong ang bawat isa sa atin
ay nagnanais na kaligtasan, ng kapatawaran, ng pag ibig, at ng Panginoon.
Syempre kasama po dito ang
priviledge na tayo ay magtiis. Sapagkat ito ay ginawa na ng ating panginoong
Jesus nung Siya ay napako sa krus ng kalbaryo.
Sabi nga sa Filipos 3:10, “Ang
tanging hangarin ko ngayon ay lubusang makilala si Cristo, maranasan ang
kapangyarihan ng kanyang muling pagkabuhay, makibahagi sa kanyang mga
paghihirap, at maging katulad niya sa kanyang kamatayan”
Ang ating Panginoon Jesus ay
naghirap nung Siya ay naparito sa mundo natin. Naranasan niyang masuntok,
mahampas, ipako at iba pa. Ang ating kahirapan ay maliit lang kung ikukumpara
natin sa Kanyang mga pinagdaanan.
Sa 2 Corinto 4:17 sabi niya
dun, “Ang bahagya at panandaliang kapighatiang dinaranas namin ngayon ay
magbubunga ng kagalakang walang hanggan at walang katulad”.
Sa mga taong hindi pa ganun kalalim yung relationship or
yung faith nila kay God, pagka dumarating yung time na sila ay lugmok na,
feeling na di na nila kaya, feeling nila wala ng kabuluhan yung buhay nila,
puro pagdurusa, kahirapan, kaguluhan at sakit kaya ang ilan humahantong sa
pagpapakamatay. Ngunit sa mga tunay na Cristiano, naniniwala tayo na may plano
ang Diyos sa ating buhay at may layunin ang Diyos sa bawat circumstances na
inaallow niya sa buhay natin. At ito ay pinatutunayan ng Roma 8:28, ang sabi
dun: “Alam nating sa lahat ng bagay ay gumagawa ang Diyos para sa mabuti kasama
ang mga nagmamahal sa kanya,[a] silang
mga tinawag ayon sa kanyang layunin”.
BAKIT DUMARATING ANG MGA
KAHIRAPAN?
1. Bunga ng Kasalanan
Juan 5:14, “Pagkatapos ay nasumpungan
siya ni Jesus sa templo, at sa kaniya'y sinabi, Narito, ikaw ay gumaling na:
huwag ka nang magkasala, baka mangyari pa sa iyo ang lalong masama”.
Nagpapakita ito na ang sakit
ng lalaking ito ay bunga ng kasalanan at 38 years siyang maysakit.
Wala pong magagawa ang tao
kundi ang tanggapin ang bunga ng kanyang nagawang pagkakasala. Isang paraan ng
Diyos ito na hayaang maranasan ng tao ang mga consequences ng kanilang actions,
its because He wants us to learn from our mistakes at matuto tayong magsisi at
lumapit sa kanya. At upang makita natin yung blessings behind this
circumstances na ang nais niya ay may
matutunan tayo at hindi na muling ulitin pa yung mga pagkakamaling nagiging
sanhi ng paghihirap ng tao. God is speaking with us na everytime na may magawa
tayong pagkakamali, we have to take a look for the lesson and learn to evaluate
yourself or ourselves kung tama ba o mali yung nagging actions natin?
Si Miriam sa Bilang 12:1-10,
mababasa dun na pinarusahan din siya ng Diyos sa pagsasalita ng laban kay
Moses. Namuti yung kanyang balat dahil sa ketong bilang parusa niya.
Sa 2 Cronica 16:12, Si Haring
Asa nang kanyang kabataan nagtitiwala siya sa Diyos. Ngunit nung siya ay
tumanda na tinanggihan niya ang
pangunguna ng panginoon kaya pinarusahan siya sa pamamagitan ng sakit sa paa.
Kung mapapansin niyo mga
nabanggit na mga character sa biblia, sila ay naparusahan base sa kanilang mga
gawa.
Sa ating mga lingkod ng Diyos,
ito ay pasabi na kailangang maibahagi din natin ito sa iba lalo na sa ating mga
ineebanghelyo. Kailangan nating paalalahanan sila sa mga gagawing dedisyon sa
buhay ay kailangan naidudulog sa Diyos at naipapasakop sa Diyos ang lahat upang
maiwasan nating magkamali at maparusahan.
2. Upang
mahayag/maipakita/maipapakilala ang mga gawa ng Diyos.
Sa aklat ng Juan 9:2-3,
mababasa dun na nagtanong ang mga alagad ng Panginoong Jesus kung sino ang
magulang nung batang lalaki na isinilang na bulag, kung nagkasala ba ang mga
magulang neto upang siya ay ipanganak na bulag. Ngunit nakakagulat yung sagot
ng ating Panginoon na ang sabi “Hindi ang sino man sa kanila, sinabi niya pa sa
mga alagad na nangyari yun upang ang Panginoong Jesus ay magpagaling.
Kapag may sakit po ang iba,
huwag nating sasabihin o tatanungin kung bakit sila nagkaroon ng sakit, kung
ano ba yung kasalanang nagawa nila.
Maaring ang pagkakaroon ng
sakit ng tao ay isa ring paraan ng Diyos upang tayo lumapit sa Kanya at upang
mas maraming panahon na makasama ng tao ang Diyos.
3. Para sa Ikaluluwalhati ng
Diyos
Natatandaan po ba ninyo yung
kwento ng pagkabuhay ni Lazaro dahil binuhay siya ng ating Panginoon mula
pagkamatay. At dahil dun, maraming nagsisampalataya.
Ano man ang dumating na
pagsubok, dapat po tayong magkaroon ng matibay na pananalig at pananampalataya,
magandang pag uugalai upang maparangalan ang ating Diyos sa pamamagitan ng
ating mga buhay. Kakitaan tayo ng kaluwalhatian na nagmumula sa ating Diyos na
buhay habang po tayo ay patuloy sa paniniwawala sa kanyang kapangyarihan at mga
pangakong inilahad mula sa aklat ng buhay (Bible) cover to cover.
4. Dahil sa paggawa ng kaaway -
ayon sa pahintulot ng Diyos
- Isang halimbawa po jan is yung karanasan
ni Job.
- Pangalawa ang kwento sa Marcos 5:1-5, ang palaboy
sa Gadara na sinapian ng batalyong demonyo. Nung makita ng demonyo ang
ating Panginoon, naki usap siya na huwag siyang pahirapan at hiniling pa
niya na kung maari hayaan na lang siya ng Panginoon na sa mga baboy na
lang sila sumapi. At hinayaan nga
Lord at nagsitakbuhan ang mga baboy hanggang sa malaglag sila sa balon at
nalunod. Dahil dun nahayag sa buong Decapolis yung kamangha manghang
ginawa ng ating Panginoon.
At marami pang ibang halimbawa
na mamabasa sa aklat ng buhay na magpapatunay na dumaranas ang tao ng mga
kahirapan dahil sa gawa din ng kaaway. Dahil ang nais niya ay sumpain natin ang
ating Diyos sa ating buhay. Huwag sana itong mangyayari sa bawat isa atin.
Anumang mga pagsubok ang inaallow ng Diyos sa buhay, manatili tayong nakahawak
sa Kanyang pangakong HINDI NIYA tayo pababayaan at Hindi tayo iiwan. Siya ang
ating bato at pananggalang sa bawat hirap n ibinabato ng sitwasyon, ng
pagkakataon, ng kaaway.
5. Bilang Pagtuturo
Sa Hebreo 12:5-13, hindi po ba
mga kapatid na magulang, hindi po ninyo hahayaan na laging masunod ang gusto ng
inyong mga anak? Ganundin ang Diyos sa atin. Hindi niya hahayaang ang plano
natin ang nasusunod. Plano pa din po niya.
Masaya po ang magulang kung
tama ang pagpili at desisyon ng anak. Tama po ba? Sinisikap ng Diyos na turuan
tayong matutong magpasya ng Mabuti at tama.
Ang layunin ng pagtuturo ay
upang magkaroon ng anak na may mabuting pagpapasiya kahit na malayo sa
kapangyarihan ng magulang..
Ang kahirapan ay bahagi ng mga
plano ng Diyos bilang pagtuturo sa atin.
Kung ang lahat ng bagay na
ginagawa natin, gagawin… lahat lahat sa atin ay maging sentro ang ating Diyos
sa lahat ng ito, maging sa kahirapan, pagsubok, kawalan ng pang unawa ng ilan,
kapabayaan, katamaran at kung ano ano pang kadiliman .. Lagi nating ipasakop sa
ating ang lahat ng yan at malalaman mong iba kung ang DIYOS na buhay ang
kikilos. Kung feeling natin hindi na natin kaya at hirap na. Naghihintay ang
Diyos sa pagtawag mo sa KANYA, hindi mahirap sa ating Diyos na tayo ay irescue
once makita niya ang tunay at tapat na pananampalataya. Kaya kapatid, sa Diyos
ay lumapit.
Pagpalain ang mensahe ng
Diyos, ang nakinig, nagbasa at gumagawa ng kalooban NIYA.
Comments
Post a Comment